ജന നന്മ ലക്ഷ്യം വച്ച് പ്രവർത്തിച്ച വ്യക്തിയായിരുന്നു കൊപ്പൽ അബ്ദുല്ല: എം എ ലത്തീഫ്

കാസർഗോഡ്: ജന നൻമ ലക്ഷ്യം വച്ച് പ്രവർത്തിച്ച വ്യക്തിയായിരുന്നു കൊപ്പൽ അബ്ദുല്ലയെന്ന് രാഷ്ട്രീയ നേതാവും സാംസ്ക്കാരിക പ്രവർത്തകനുമായ എം എ ലത്തീഫ് അഭിപ്രായപ്പെട്ടു. പുലിക്കുന്നിലെ ജില്ലാ ലൈബ്രറി ഹാളിൽ കൊപ്പലിന്റെ ഒൻപതാം ചരമ വാർഷികത്തിൽ കൊപ്പൽ അബ്ദുള്ള സഹൃദയ വേദി സംഘടിപ്പിച്ച അനുസ്മരണ ചടങ്ങിൽ പ്രഭാഷണം നടത്തുകയായിരുന്നു അദ്ദേഹം എ എസ് മുഹമ്മദ് കുഞ്ഞി അധ്യക്ഷത വഹിച്ചു.മാധ്യമപ്രവർത്തകൻ ടി എ ഷാഫി, ഹമീദ് കോളിയടുക്കം, അഷറഫലി ചേരങ്കൈ, ഹമീദ് ചേരങ്കൈ, നാസർ ചെർക്കളം, ഉസ്മാൻ കടവത്ത്,എരിയാൽ ശരീഫ് തുടങ്ങിയവർ സംസാരിച്ചു. സി എൽ ഹമീദ് സ്വാഗതവും ഷാഫി തെരുവത്ത് നന്ദിയും പറഞ്ഞു.