ബദിയടുക്കഃ കാണാതായ കൂലിതൊഴിലാളിയുടെ മൃതദേഹം വീട്ടില്‍ നിന്നും അല്‍പ്പം മാറിയുള്ള തോട്ടില്‍ കണ്ടെത്തി. കുംബഡാജെ ഏത്തടുക്ക ബാളഗദ്ദെയിലെ നാരായണ മണിയാണി(48)യെയാണ് മരിച്ച നിലയില്‍ കണ്ടെത്തിയത്. ജുലായ് 28ന് രാവിലെ 8.30മണിയോടെ വീട്ടില്‍ നിന്നും ഇറങ്ങിയ നാരായണനെ കാണാതാവുകയായിരുന്നു.ഇത് സംബന്ധിച്ച് സഹോദരന്‍ ഉദയ കുമാര്‍ ബദിയടുക്ക പൊലിസില്‍ പരാതി നല്‍കി അന്വേഷിക്കുന്നതിനിടെയാണ്
മൃതദേഹം തോട്ടിലെ വെള്ളക്കെട്ടില്‍ കണ്ടെത്തിയത്. കുംബഡാജെയില്‍ നിന്ന് ബെള്ളൂര്‍ പെറുവത്തോടിയിലെ കവുങ്ങ് തടികൊണ്ടുണ്ടാക്കിയ പാലത്തിലുടെയാണ് നാരായണന്‍ ബെള്ളൂര്‍ കായ്മലതിലെ ജോലി സ്ഥലത്തേക്ക് എത്താറുള്ളത്. പാലം കടക്കുന്നതിനിടെ കാല്‍ തെന്നി തോട്ടില്‍ വീണതാകമെന്ന് പൊലിസ് പറഞ്ഞു. ബാളഗദ്ദെയിലെ കൊഗ്ഗുവിന്‍റെയും ചന്ദ്രാവതിയുടെയും മകനാണ്. ഭാര്യഃ സരസ്വതി. മക്കള്‍ഃ വൈശാഖ്, ആതിര.
സഹോദരങ്ങള്‍ഃ ശകുന്തള, ഉദയ, ഭാസ്കര, ശ്രീധര. ബദിയടുക്ക പൊലിസ് ഇന്‍ക്വസ്റ്റ് നടത്തി
.
About the Author
