ബദിയടുക്കഃ 3.78ലീറ്റര്‍ കര്‍ണ്ണാടക മദ്യം വില്‍പ്പനക്കിടെ ഓട്ടോ ഡ്രൈവറെ എക്സൈസ് സംഘം അറസ്റ്റ്ചെയ്തു. ബദിയടുക്ക കങ്കണ്ണാറിലെ വിനയ കുമാര്‍(44)ആണ് അറസ്റ്റിലാതത്.
ബദിയടുക്ക എക്സൈസ് റെയ്ഞ്ച് ഇൻസ്പെക്ടർ ജിഷ്ണു പി .ആർ ഉം സംഘവും പള്ളത്തടുക്ക സമീപം കാടമനയില്‍ നടത്തിയ പരിശോധനയിലാണ് കര്‍ണ്ണാടക മദ്യവുമായി വിനയ കുമാര്‍ പിടിയിലായത്. നേരത്തെ സ്വകാര്യ ബസില്‍ ഡ്രൈവറായി ജോലിചെയ്തിരുന്ന വിനയന്‍ പിന്നിട് ഓട്ടോ വാങ്ങികര്‍ണ്ണാടകയില്‍ നിന്നും മദ്യം കടത്തികൊണ്ടു വന്ന് കാടമന,കുണ്ടാല്‍മൂല, ചൊട്ടത്തടുക്ക, പള്ളത്തടുക്ക തുടങ്ങിയ സ്ഥലങ്ങളിലേക്ക് മദ്യം എത്തിക്കുകയും ഇടനിലക്കാരെ ഉപയോഗിച്ച് വില്‍പ്പന നടത്തുന്നതാണ് ഇയാളുടെ രീതി. പല തവണ എക്സൈസിന്‍റെ പിടിയിലായെങ്കിലും തെളിവ് ലഭിക്കാത്തതിനെ തുടര്‍ന്ന് വിട്ടയക്കുകയായിരുന്നു. രഹസ്യ വിവരത്തിന്‍റെ അടിസ്ഥാനത്തില്‍ നടത്തിയ റൈഡിലാണ് മദ്യവുമായി പിടിയിലായത്.
അസി. എക്സൈസ് ഇൻസ്പെക്ടർ (ഗ്രേഡ്) ബിജോയ് ഇ കെ , സി ഇ ഒ മാരായ ശാലിനി , ലിജിൻ ആർ ,ടിപ്സൺ ടി ജെ, ഡ്രൈവർ സാഗർ എന്നിവര്‍ പരിശോധക സംഘത്തിലുണ്ടായിരുന്നു.
About the Author
