By മധു രാധാകൃഷ്ണൻ
മലപ്പുറം : ജമാഅത് ഇസ്‌ലാമിയും സി പി എമ്മും ഒരിക്കലും ഒരു സഹകരണവും ഉണ്ടായിട്ടില്ലെന്നു സി പി എം സംസ്ഥാന സെക്രട്ടറി എം വി ഗോവിന്ദൻ. മുൻകാല തിരഞ്ഞെടുപ്പുകളിൽ സി പി എം -ജമാഅത് ബന്ധം മുതിർന്ന നേതാവ് പാലോളി മുഹമ്മദ്‌ കുട്ടി വീണ്ടും സ്ഥിരീകരിച്ചതിനെ കുറിച്ചു മലപ്പുറം പ്രസ് ക്ലബ്ബിന്റെ മീറ്റ് ദി ലീഡർ പരിപാടിയിൽ ഉയർന്ന ചോദ്യത്തിന് പ്രതികരിക്കുകയായിരുന്നു എം വി ഗോവിന്ദൻ. “ആര് പറഞ്ഞാലും ശരി, ജമാഅത് ഇസ്ലാമിയുമായി ഞങ്ങൾക്ക് ഒരു ബന്ധവും ഉണ്ടായിട്ടില്ല. ഓരോ കാലത്ത് ഓരോരുത്തരെ പിന്തുണക്കുക എന്നതാണ് അവരുടെ നിലപാട്. അങ്ങിനെ അവർ പിന്തുണച്ചിട്ടുണ്ടെങ്കിൽ അതിന് ഞങ്ങൾ ഉത്തരവാദി അല്ല.. മുസ്ലീം ലീഗ് വർഗീയ പാർട്ടി ആണെന്ന് ഞങ്ങൾ പറഞ്ഞിട്ടില്ല. എന്നാൽ അതിലേക്കു അവർ നീങ്ങിക്കൊണ്ടിരിക്കുകയാണ്.” അദ്ദേഹം പറഞ്ഞു.
About the Author
