കണ്ണൂർ : കുടുംബശ്രീ തയ്യാറാക്കുന്ന ഉത്പന്നങ്ങൾക്ക് ഇനി സാങ്കേതിക വിദ്യയുടെ കയ്യൊപ്പ്.
ഇതിനായി കെ ടാപ് (കുടുംബശ്രീ ടെക്നോളജി അഡ്വാൻസ്മെന്റ് പ്രോഗ്രാം ) എന്ന പേരിൽ പദ്ധതിക്ക് തുടക്കമായി.
കാർഷിക മേഖലയിൽ പുതിയ ആശയങ്ങളിലൂടെയും സാങ്കേതിക വിദ്യയുടെ ഉപയോഗത്തിലൂടെയും സസ്ഥിര വികസനം ലക്ഷ്യമിട്ട് ഇന്ത്യയിലെ കാർഷിക മേഖലയിൽ ഗവേഷണം നടത്തുന്ന സ്ഥാപനങ്ങളുടെ 189 ഓളം നൂതന സാങ്കേതിക വിദ്യകൾ കർഷകർക്കും സംരംഭകാർക്കും ലഭ്യമാക്കുന്ന പദ്ധതിയാണ് കെ ടാപ്.
ഡയബറ്റിക് ഇൻസ്റ്റന്റ് കേക്ക് മിക്സ്, തേൻ ഉത്പന്നങ്ങൾ, ഹൈ പ്രോടീൻ ലഘു ഭക്ഷണങ്ങൾ, ഷുഗർ ഫ്രീ ബിസ്‌ക്കറ്റ്, ലോ ഗ്‌ളൈസീമിക് ഇൻഡക്സ് ഉത്പന്നങ്ങൾ, നാച്ചുറൽ ഫുഡ്‌ കളർ, മൾട്ടി ഗ്രേയിൻ ബ്രഡുകൾ,ചെറുധാന്യ ഉത്പന്നങ്ങൾ, മുരിങ്ങ പൌഡർ, ചക്ക, മില്ലറ്റ്, ഫ്രൂട്ട്, ഇളനീർ ഐസ് ക്രീമുകൾ, ഇൻസ്റ്റന്റ് ഫുഡ്‌ മിക്സുകൾ, ഗ്ളൂട്ടൻ ഫ്രീ ഉത്പന്നങ്ങൾ,
എന്നിങ്ങനെ വൈവിധ്യമാർന്ന 180 ഉത്പന്നങ്ങൾ കുടുംബശ്രീ സംരംഭകർക്ക് തയ്യാറാക്കാനുള്ള പരിശീലനം നൽകുക എന്നതാണ് പ്രാരംഭ ലക്ഷ്യങ്ങളിൽ ഒന്ന്.
കാർഷിക മേഖലയിൽ ഈ വർഷം തുടങ്ങുന്ന കെ ലൈവ് പ്ലസ്, വൺ ഡിസ്ട്രിക്ട് വൺ പ്രോഡക്റ്റ്, ന്യൂട്രി പാലറ്റ് എന്നീ പദ്ധതികൾക്കും സാങ്കേതിക വിദ്യ മുതൽക്കൂട്ടാകും.
കണ്ണൂർ ശിക്ഷക് സദനിൽ വച്ച് നടന്ന പരിപാടി. ജില്ലാ പഞ്ചായത്ത് പ്രസിഡന്റ്‌ കെ കെ രത്നാകുമാരി ഉത്ഘാടനം ചെയ്തു. കുടുംബശ്രീ ജില്ലാ മിഷൻ കോർഡിനേറ്റർ എം വി ജയൻ അധ്യക്ഷനായ പരിപാടിയിൽ കുടുംബശ്രീ സംസ്ഥാന പ്രോഗ്രാം ഓഫീസർ ഡോ. എസ് ഷാനവാസ്‌ വിഷയാവതരണം നടത്തി സംസാരിച്ചു.
കുടുംബശ്രീ കണ്ണൂർ അസിസ്റ്റന്റ് കോർഡിനേറ്റർമാരായ പി ഒ ദീപ, കെ വിജിത്, കെ രാഹുൽ, ജില്ലാ പ്രോഗ്രാം മാനേജർ സൈജു പത്മനാഭൻ എന്നിവർ പരിപാടിയിൽ സംബന്ധിച്ചു.
About the Author
