By അശോക് നീർച്ചാൽ🙏🏻
ആദൂര്‍ഃ കാസർഗോഡ് ) : പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിലെ പ്രതിക്ക് 77വർഷം കഠിന തടവും 2,09000/ രൂപപിഴയും, പിഴ അടച്ചില്ലെങ്കിൽ രണ്ട് വർഷവും,ഏഴ് മാസവും അധിക തടവിനും ശിക്ഷ വിധിച്ചു. ആദൂർ പോലീസ് സ്റ്റേഷൻ പരിധിയിൽ താമസിക്കുന്ന 14വയസ്സ് പ്രായമുള്ള പെൺകുട്ടിയാണ് പീഡനത്തിന് ഇരയായത്. പ്രതി മല്ലം കോളങ്കോട് ഹൗസിലെ കെ സുകുമാരൻ. (45),പെൺകുട്ടി താമസിക്കുന്ന വീട്ടിൽ ആരും ഇല്ലാത്ത സമയത്ത് 2023 ജൂണ്‍ 23 ന് 5.30 ന് പെൺകുട്ടിക്ക് അശ്ലീല വീഡിയോ കാണിച്ച് ഗൗരവതരമായ ലൈംഗിക അതിക്രമത്തിലൂടെയുള്ള പീഡനത്തിന് ഇരയാക്കുകയും, സംഭവം പുറത്ത് പറഞ്ഞാൽ കൊല്ലുമെന്ന് പറഞ്ഞ് ഭീഷണിപ്പെടുത്തുകയും, പെൺകുട്ടി ആറാം ക്ലാസ്സിൽ പഠിക്കുന്ന സമയത്തും ഇതുപോലെ ചെയ്യുകയും ചെയ്ത കേസിലാണ് ഹോസ്ദുർഗ് ഫാസ്റ്റ് ട്രാക്ക് സ്പെഷ്യൽ കോർട്ട് ജഡ്ജ് സുരേഷ് പി.എം ശിക്ഷ വിധിച്ചത്..ഇന്ത്യൻ ശിക്ഷ നിയമം ,354(A)(1) 354(A)(1)(iii) പ്രകാരം 2 വർഷം വീതം കഠിന തടവും, 2,000/ രൂപ വീതം പിഴയും, പിഴ അയച്ചില്ലെങ്കിൽ 2 മാസം വീതം അധിക തടവും,506(ii) പ്രകാരം 3 വർഷം കഠിന തടവും, 5,000/ രൂപ പിഴയും, പിഴ അടച്ചില്ലെങ്കിൽ 3 മാസം അധിക തടവും, 376(3) പ്രകാരം 20 വർഷം കഠിന തടവും, 50,000/ രൂപ പിഴയും പിഴ അടച്ചില്ലെങ്കിൽ 6 മാസം അധിക തടവും, പോക്സോ ആക്ട് 4(2) r/w 3 പ്രകാരം, 10 വർഷം കഠിന തടവും, 50,000/ രൂപ പിഴയും, പിഴ അയച്ചില്ലെങ്കിൽ 6 മാസം അധിക തടവും, 6(1) r/w 5(l) & 6(1) r/w5(n) പ്രകാരം 20വർഷം വീതം കഠിന തടവും, 5,0000/ രൂപ വീതം പിഴയും, പിഴ അടച്ചില്ലെങ്കിൽ ആറ് മാസം വീതം അധിക തടവും ആണ് ശിക്ഷ വിധിച്ചത്.ശിക്ഷ ഒന്നിച്ചനുഭവിച്ചാൽ മതി. ആദൂർ പോലീസ് സ്റ്റേഷനിൽ രജിസ്റ്റർ ചെയ്ത കേസ്സിൽ അന്വേഷണം നടത്തി കോടതിയിൽ കുറ്റപത്രം സമർപ്പിച്ചത് അന്നത്തെ ഇൻസ്‌പെക്ടർ ഓഫ് പോലീസ് ആയിരുന്ന അനിൽകുമാർ. എ യാണ്. പ്രോസീക്യൂഷന് വേണ്ടി ഹോസ്ദുർഗ് സ്പെഷ്യൽ പബ്ലിക് പ്രോസീക്യൂട്ടർ ഗംഗാധരൻ.എ ഹാജരായി.
About the Author
