നീലേശ്വരം: കാസര്‍ഗോഡ്‌ ജില്ലാ കലക്ടര്‍ കെ ഇമ്പശേഖരിന്‍റെ നേതൃത്വത്തില്‍ നടന്ന ഡ്രോണ്‍ സര്‍വേയില്‍ ചെറുവത്തൂര്‍ വീരമലകുന്നില്‍ വിള്ളല്‍ കണ്ടെത്തി. കുന്നില്‍ മണ്ണിടിഞ്ഞാണ് വിള്ളല്‍ ഉണ്ടായിരിക്കുന്നത്. ഇത് സംബന്ധിച്ചു തഹസില്‍ദാര്‍ വിശദമായ റിപ്പോര്‍ട്ട് സമര്‍പ്പിക്കും .റിപ്പോര്‍ട്ട് ദേശീയപാത അതോറിറ്റിക്ക് കൈമാറും. സംരക്ഷണത്തിനു പ്രത്യേക നടപടി സ്വീകരിക്കാന്‍ ദേശീയപാത അതോറിറ്റിയോട് ആവശ്യപ്പെടുമെന്ന് കലക്ടര്‍ പറഞ്ഞു. ചെറുവത്തൂര്‍ ഗ്രാമ പഞ്ചായത്ത് പ്രസിഡണ്ട്‌ സി വി പ്രമീള, ഹോസ്ദുര്‍ഗ് തഹസില്‍ദാര്‍ ടി ജയപ്രസാദ്, പി വി തുളസീദാസ്, പി ശില്പ, ജില്ലാ ദുരന്ത നിവാരണ ഉദ്യോഗസ്ഥര്‍ എന്നിവരും കലക്ടര്‍ക്ക് ഒപ്പം ഉണ്ടായിരുന്നു.
About the Author
