കുചേലവൃത്തം കഥകളിയിൽ കുചേലനായി മഞ്ജു വാര്യരുടെ അമ്മ

തൃശൂർ : അരങ്ങില്‍. കർക്കിടക സംക്രമ ദിനമയ ഇന്നലേ രാത്രി മേൽപ്പത്തൂർ ഓഡിറ്റോറിയത്തിൽ അരങ്ങേറിയ കുചേലവൃത്തം കഥകളിയിൽ നടി മഞ്ജുവാര്യരുടെ അമ്മ ഗിരിജ വാര്യർ കുചേലനായി. ഗിരിജ വാര്യരുടെ വഴിപാടായാണ് കഥകളി അരങ്ങേറിയത്. കുചേലനായി അരങ്ങിലെത്തിയ ഗിരിജ വാര്യർക്കൊപ്പം രുഗ്മിണിയായി സർവ്വതോഭദ്രം ആര്യയും
ശ്രീകൃഷ്ണനായി കലാനിലയം ഗോപിയും അരങ്ങിലെത്തി.
കലാനിലയം രാജീവൻ നമ്പൂതിരി, ഹരിശങ്കർ കണ്ണമംഗലം എന്നിവർ കഥകളി പദങ്ങൾ ആലപിച്ചു.
കലാനിലയം ദീപക് ചെണ്ടയിലും കലാനിലയം പ്രകാശൻ മദ്ദളത്തിലും താളമൊരുക്കി. കലാനിലയം പ്രശാന്ത് (ചുട്ടി), കലാമണ്ഡലം മനേഷ് പണിക്കർ, നാരായണൻകുട്ടി (അണിയറ), രംഗഭൂഷ, ഇരിഞ്ഞാലക്കുട (ചമയം) എന്നിവർ അണിയറയിലും പ്രവർത്തിച്ചു.