കിണറ്റിൽ വീണ പശുവിനെ അഗ്നി ശമനസേന രക്ഷപ്പെടുത്തി

പെര്‍ളഃ (കാസർഗോഡ്): കിണറ്റില്‍ വീണ പശുവിനെ അഗ്നിശമന വിഭാഗം അധികൃതര്‍ രക്ഷിച്ചു.
കാട്ടുകുക്കേ കന്തേരിയിലെ കൂക്ക എന്നയാളുടെ കാസര്‍കോടന്‍ കുള്ളൻ പശുക്കിടാവാണ് അബദ്ധവശാൽ 31 കോൽ ആഴവും 20 അടി വെള്ളവും ആൾമറയില്ലാത്തതുമായ ഉപയോഗശൂന്യമായ കിണറ്റിൽ വീണത്.ഇന്നലെ രാവിലെ 10 മണിയോടെ പശു കിണറ്റില്‍ വീഴുകയായിരുന്നു. നാട്ടുകാർക്ക് പശുക്കിടാവിനെ എടുക്കാൻ സാധിക്കാതെ വന്നതോടെ കാസര്‍കോട് അഗ്നിരക്ഷാസേനയെ വിവരം അറിയിക്കുകയായിരുന്നു . സീനിയർ ഫയർ ആൻഡ് റെസ്ക്യൂ ഓഫീസർ ഓഫീസർ വി.എൻ.വേണുഗോപാലിൻ്റെ നേതൃത്വത്തിൽ ഫയർ ആൻ്റ് റെസ്ക്യൂ ഓഫീസർ ജെ.എ. അഭയ് സെൻ റെസ്ക്യൂനെറ്റിൻ്റെ സഹായത്തോടെ കിണറ്റിൽ ഇറങ്ങി പശു കിടാവിനെ പുറത്ത് എത്തിക്കുകയായിരുന്നു. സേനാഗംങ്ങളായ ജെ ബി ജിജോ ,അതുൽ രവി ,ഫയർ വ്യുമൺ ഒ.കെ. അനുശ്രീ ഹോം ഗാർഡ് പി ശ്രീജിത്ത് എന്നിവർ സംഘത്തിൽ ഉണ്ടായിരുന്നു.