പുത്തിഗെഃ കാട്ടുപന്നി റോഡിന് കുറുകെ ചാടി ബൈക്ക് യാത്രക്കാരന് പരിക്കേറ്റു. ബാഡൂരിലെ മല്ലേശ പൂജാരി (48)നാണ് പരിക്കേറ്റത്. ശനിയാഴ്ച രാത്രി വിട്ട്ളയിലെ ഭാര്യ വീട്ടിലേക്ക് ബൈക്കില്‍ സഞ്ചരിക്കുന്നതിനിടെ അതിര്‍ത്തി പ്രദേശമായ കുട്ത്തമൊഗേറിലാണ് അപകടം. റോഡിന് കുറുകെ ചാടിയ പന്നി ബൈക്കിനെ കുത്തി വീഴ്ത്തുകയാണത്രെയുണ്ടായത്. റോഡിലേക്ക് തെറിച്ചു വീണ മല്ലേശിന്‍റെ കാലിന് ഗുരുതരമായി പരിക്കേറ്റു. ആദ്യം വിട്ട്ളയിലെ ആശുപത്രിയിലും പരിക്ക് ഗുരുതരമായതിനാല്‍ മംഗളൂരുവിലെ സ്വകാര്യ ആശുപത്രിയിലേക്ക് മാറ്റി. കാല്ലെല്ലിന് പൊട്ടല്‍ ഉള്ളതിനാല്‍ ശസ്ത്രക്രിയ നടത്തണമെന്ന് ഡോക്ടര്‍മാര്‍ നിര്‍ദ്ദേശിച്ചതായി ബന്ധുക്കള്‍ പറഞ്ഞു.
About the Author
